سلام يا ذيب يا بو ذيب يا ذيبان
12 مايو 2017م بدع مرسلة للشاعر أبو ذيب الرقيمي مزروع.
..............
سلام يا ذيب يا بو ذيب يا ذيبان
يا عنتر الشعر يا وطنه وميزانه
سلام يا فارس التعبير والقيفان
ذي اطرب الكل من نظمه وقيفانه
غالي عليا ولا يغلا عليا انسان
مثل الرقيمي عليا صعب نسيانه
اديب شاعر يكيل الشعر بالأطنان
والمعرفه والوفاء دربه وعنوانه
في بحر شعره لقينا اللول والمرجان
بل شعر هذا الفتى لوله ومرجانه
شامخ شموخ الرقيمي يا جبل عيبان
الشاعر الفذ عندي كم علي شانه
من ال مزروع تتباها به الضيفان
بيت الوفاء والكرم ربعه وجيرانه
هذا ويا هم قلبي ويش بعد الان
النفس متاثره والعين سهرانه
هوت بلادي وصبّح شعبي الخسران
وشفت شعب اليمن يتكبد احزانه
عامين بين الأسا والهم والاحزان
تسقط على روسنا دانه ورا دانه
تعبت ما باقي الا هيكل العظمان
تعبان وأوضاعنا صعبه وتعبانه
هذا اليمن ذي تسمى منبع الايمان
مناصر الدين قاداته وفرسانه
واهل باس ن وقوه قالها الرحمن
واليوم يهتان هان الله من هانه
............
قصيدة الشاعر / أبو ذيب الرقيمي مزروع
جواب على قصيدة خاله الشاعر / أبو حسين العامري محسن المغدي.
.............
يا مرحبا الشيخ والهامور والسلطان
مغدي الأصل تاريخه و برهانه
يا مرحبا أبو حسين الشاجع الفتان
مقدام ربعه يدق الخصم باقرانه
لاشي مهمات غامر واشعل النيران
وان شعّب الخصم با يزقل بكرعانه
ما يدني في العمر ذي آلف العنان
من اتقى والتقى يتضاعف ايمانه
كريم طبعه ولا هو شي من الليشان
وان جاه ضيفه جلس في راس ديوانه
وربعه اهل النقى قهارة العدوان
كمن نمر محتزم لا راس سيقانه
يقول أبو ذيب كان الشعب ياما كان
ما اليوم قد دخلوا راسه في الغانه
بدت عصابات كبرى تشبه الفيران
تنكر عملها وهي بالدم عجانه
زجوا بنا فى الفتن بالزور والبهتان
والمصلحه يقحص الطارف بها اسنانه
لا بلهم لا سقاهم زمرة الشيطان
ذي يحسبونا لهم فى الفم لبانه
الوضع لا يحتمل زايد ولا نقصان
فى الهاويه تشتعل ناره وبركانه
لا سامح الله من سبب ومن له خان
ولا لحق خير من عكر بدخانه
............
زودنا بالقصيدتين الشاعر أبو ذيب الرقيمي مزروع
